Pivski pogled v rikverc

Pivski pogled v rikverc

Čovek uživa v pivi več niz lieta. Kak lieta ideju, tak se je promenil način kak se piva posluži i kak je ljudi pijeju i tak je doživljaj i okus postal punejši i boljši.

Poznate je kak piva več duge postoji uz čoveka. Kak se piva menjala, postajala sve boljša, tak se je menjal i način na teri su ljudi pili pivu. Ranejše posude za pivu bile su od zemlje, keramike i zrezbarenog drieva - čak i od zašitih komadov kože. Kak je vrijeme išle, tak je čovek postajal sve boljši v delanju kupic. Ranieši Evropljani teri su živeli kad i bubonska kuga napravili su kupice z zaprtim vrhem kak muhe nebi opale v pivu i donesle betega.

Izum stakla je morti bil i najvažniejši pri pravljenju kupic tere denes poznamo. Kak su kupice postajale se popularniejše, tak su ovi teri pijeju mogli videti i koj pijeju. Tak je došle do filtracije pive: ljudi več nisu šteli grde i velike komade kak su imeli raniejše v pivi. Z oviem novim i lepšim kupica, počela se mienjati i proizvodnja pive.

Razvoj staklenih posudi nastavil se je i tak sme došli do različitih kupic za različite vrsti pive.

A kak su raniejše pivovare trucale ljude da kupujeju baš pivu od njih, tak je došle i do revolucionarnih i unikatnih potezov v marketingu i promocije. Ranejše je pivovarami bile zabranjene dati pivu ili neke druge nagrade kupcima pak su otkrili da kupice moreju i pokloniti. Te im je bila super reklama. Došle je do teg da su pivovare proizvodile kupice tere su bile prava remek dela. Prve su bile okičene i koštale su pune penezov - na strani bi česte imele vtisnute zlate ili srebre. Kasniejše su umetniki z pivovari počeli risati detalje bakropisem po kupicam. Čak su razvili i cielu metodu pucanja emajlirane farbe. Ove emajlirane kupice ve su najređejše kolecionarske stvari, a napravljene su kasniejše od drugih. Denes neki kolekcionarski predmeti i znaki vriede par tisuć dolarov i traženi su po cielom svietu.

E ste v zadnje vrieme koj poluknuli na vrh starog dedinog grdenca?