Također pristajete da se sadržaj ovih stranica ne smije dijeliti s maloljetnim osobama.
Prohibicionisti i ostali konzervativci več duge glediju na pivu kak na vražju pijaču. Če ne pretirame – piva sama po sebe ni opče loša. Kad se konzumiera normalne ( radi društva, a ne radi oblievanja), piva je izuzetni mrzli oblizek koji...
Prohibicionisti i ostali konzervativci več duge glediju na pivu kak na vražju pijaču. Če ne pretirame – piva sama po sebe ni opče loša. Kad se konzumiera normalne ( radi društva, a ne radi oblievanja), piva je izuzetni mrzli oblizek koji kriepi pod pauzu od žmehkoga dela.
Postojiju dokazi da je piva stara skore kak i ljudski rod i da je pračovek stvoril pivu prie nek je skužil da bi se žitek mogel koristiti i za proizvodnju kruha ( po takvomu morti je na Hušnjakovomu zakopana i prapivovara , ove je glupa šala autora teksta). Veliju da je čak i Noa na svoju arku del pivu. Stari stoli v Babilonu su imeli recepte za pivu (4300. liet prie Kristuša).
Piva je furt bila važni diel društvenih okupljanja. To je bila i glavna stvar na sportski igrališta, kartanju i gađanju z lukem i strielu. Problemi su kad pivopije preveč spijejuili veruju da z pijaču moreju riešiti svoje probleme.
Piva se pije po cielomu svietu. Severna i Južna Amerika, Azija i Europa imaju bogatu poviest pive. Pivovare se moreju najti v Mongolije, v pune afrikanskih zemlji i zemlji Bliskoga istoka (i Irak i Sirija). Skore sigde de se žejni putnik zastavi da si počine, lahke more najti mrzlu pivu.
Nekteri zagriženi pivopije dajeju ocene pive teru su spili i to objavljuju po internetski grupa i po društveni mreža kak bi "se znale" tera je piva najboljša na svietu. Drugi pak pijeju pivu kak bi imeli pune flaš i štoplinov doma.
Nekteri pivopije najrajše imaju ekstra kupice za pivu, nekteri nečeju piti nit z flaše nit z šplehnjate ambalaže. Kad se pije z kupice ili z kriglina dobi se puna aroma pive i drugački je okus. Natakanje pive omogučava delanje piene, a ona je feJst važna nekerim pivopijam. Kak za vine i žestinu, tak postojiju posebne kupice za različite sorte pivi.
Idealna temperatura pive ovisi o pune toga. Iskusni ljubitelji pive buju rekli da vekša temperatura pojačava okus, dok mrzlejša piva sprečava osetila jezika i grla pak su nijase oslabljene, a glavni okus skroz uništen z niskim temperatura. Z druge strani, čovek zmučen od dela bi rad spil mrzlu pivu natočenu v ledenu kupicu. Irski pivopije nečeju piti svojega Ginesa ak ni na sobne temperature.
Kak natačeš pivu tak bu i zgledala, ni iste kak se brže natače, pod kakvim kutem se drži kupica. Iste tak o tomu ovisi kulike bu piene i kak duge bu ostala v kupice. Pive tere su bolj gazierane ( npr. njemački piliri) trebaju več vremena da se slegne piena
Topla ili mrzla, z flaše ili kupice bez pive ni moči živeti.
domača piva -
zemi si mam koj pokle
žejen nej ostal
(Nepoznati autor, kraj XVI. st.)
Imate koj za pitati? Želj? Čestitki ili narudžbi? Kričite, tu sme za vas!